حكايتنا معاك حكاية يا زمن
المكتوب لينا فيك ... اترسم
حكاية عذاب فيها القلب أتوجع
شعللته بالنار وسكنه الآلم
آه يا زمن نحكي لك جروح وعذاب
ولا ع الإحساس لما يطوله كلام الناس
يصبح صعب كذب ووهم وخداع
أنكتب على خطواتنا تمشيه
ومعاه الشوق يرافقنا وآه يا زمن آه
خاين يا زمن فيك قلة الوفا والآسى
ليه صعبت على قلوبنا تنهيه
وتجينا زي النسمة تهب وتاخد معاها النظرة
تخطف من حياتنا الفكرة وتزرع المر بقلوبنا
وتستخسر الأمل فينا وتضيع أمانينا
أخس عليك أخس يا زمن معجزنا
بس أبدا ما هتفرقنا ولا هتموت قلوبنا
وهنبقىَ مهما كنت معذبنا وتكون حكايتنا
و زود في نار آهاتنا هحكي لك وأتذكر بكره
وأنسىَ أمبارح أد إيه أتعذبنا وآه يا زمن آه
كتير م الأفراح فاتتنا وبقيت الجروح والهموم سكنتنا
استكترت علينا الفرحة وعلمتنا الحرمان
يطاردنا يحاصرنا ويخنق أنفسنا
ألبس تاج يا زمن وأرتاح كمان وأتربع على دنيتنا
ما تسبنا بقىَ يا زمن لوحدتنا ..!
ولو العمر فيه تاني هبقىَ أحكي لك حكايتنا
وإذا عز علينا اللقا مكتوب نمشي بتوهتك
من غير وجدان مجرد روح هزيلة مع كيان
أوعدك يا زمن خوااان احكي لك ونعيش بكره
وأجدد أمالي وأرضىَ بالمقسوم
وللظالم هيجي يوم وأقول يارب
ووقتها بس تحلالي الليالي والأيام.
آه يا زمن ..../ دكتور مشاوير
العرض العادي
